3D-reja — kelajak tabassumingizning aniq modeli
Davolanish boshlanmasidan oldin tabassumingizni qanday shakllantiramiz
Tasavvur qiling: siz hali birinchi elaynerni taqmasdan turib, davolanishdan keyingi tabassumingizni ko‘rishingiz mumkin.
3D-rejalashtirish — bu har bir tishni 0,1 mm aniqlikda va 1° burilishgacha hisoblab, bosqichma-bosqich harakatini modellashtirish imkonini beruvchi texnologiyadir. Bemor — kelajakdagi natijani aniq vizual ko‘rinishda oladi, shifokor esa — har bir bosqichni to‘liq nazorat qiladi. Bu — davolanish taxmin bilan emas, aniq xarita asosida olib boriladi, degani.
Ma’lumot yig‘ish va tishlarni skanerlash
Biz intraoral 3D-skaner yordamida yoki aniq silikonli qolip asosida ma’lumot to‘playmiz — va bu ma`lumotlar keyinchalik raqamlashtiriladi. Skan natijasida quyidagilar aniq qayd etiladi: tishlarning shakli, tishlash va jag‘larning yopilishi, individual anatomik xususiyatlar.
Kengaytirilgan diagnostika
Bemorning yuzi va og‘iz ichki holatining fotoprotokoli olinadi. OPTG ± TRG yoki KT (rentgen) orqali suyak tuzilmalari, ildizlarning joylashuvi va parodont holati baholanadi. Tishlash tahlil qilinadi: tishlar siqilganmi, oraliqlar bormi, simmetriya buzilganmi — barchasi aniqlanadi.
Kelajak tabassumingizni modellashtirish
Ortodontik dasturda shifokor har bir tishni virtual ravishda harakatlantiradi. Bu jarayonda biologik va biomexanik chegaralar, shuningdek yuz estetikasi inobatga olinadi. Zaruratga qarab qo‘shimcha muolajalar rejalashtiriladi: atachmentlar, IPR, elastiklar, ayrim holatlarda mikroimplantlar.
Virtual taqqoslash
Bemor ekran orqali ikki variantni ko‘radi: hozirgi holat va davolanishdan keyingi natija. O‘rtadagi bosqichlarni, profil o‘zgarishini, tabassum chizig‘i va tish qatori kengligidagi farqni ham baholash mumkin bo‘ladi.
Tasdiqlash va elaynerlar ishlab chiqarilishi
Davolash rejasi tasdiqlangach yoki kerak bo‘lsa o`zgartirishlar kiritilgandan so‘ng barcha ma’lumotlar laboratoriyaga uzatiladi. So‘ngra to‘liq elayner to‘plami yoki birinchi bosqich uchun elaynerlar tayyorlanadi.
3D-reja — bu shunchaki chiroyli tasvir emas. Bu — siz davolanish jarayonini to‘liq tushunishingiz va natijani oldindan ko‘rishingiz kafolati. 3D-reja sizni ilhomlantiradi, vaqtingizni tejaydi, kutilmagan holatlarni bartaraf etadi va butun jarayon ustidan nazoratni qo‘lingizda saqlashga yordam beradi.
Konsultatsiyaga yoziling
Kontaktlaringizni qoldiring va chiroyli tabassum sari sayohatingizni boshlang
Ko`p beriladigan savollar
3D-reja — bu shunchaki tasvir emas, u tishlarning real harakati asosida tuzilgan aniq biomexanik model. Reja faqat shifokor va texnik tomonidan tibbiy ko‘rsatkichlarga asoslanib yaratiladi, shuning uchun elaynerlarni taqish rejimiga rioya qilinsa, bajariladigan natijaga maksimal darajada yaqin bo‘ladi.
Ha, reja tasdiqlashdan oldin muhokama qilinadi va agar kerak bo‘lsa — sizning takliflaringiz yoki shifokor tavsiyasi asosida o‘zgartirish mumkin.
Odatda 3D-rejaning dastlabki varianti 3–5 ish kuni ichida tayyorlanadi. Agar tuzatishlar kiritilsa, bu jarayon biroz cho‘zilishi mumkin.
Ha, rentgen — bu tish ildizlari, suyak holati va xavfsiz harakat chegaralarini aniqlash uchun zarur bo‘lgan diagnostika bosqichi. Bu bemorning sog‘lig‘ini xavf ostiga qo‘ymaslik uchun muhim.
© 2025 Soff Align
SOFF elaynerlari
